kum 14 a pha pan thau tawi khat mi 3 te a that hi ding in ki um mawh in ki man

Thai gam a om gam dang mi a tam pai deuh na Siam Paragon Shopping Mall ah ki kap na khat piang in mi 3 si in 4 liam hi ci Emergency vaipuak nei te in gen khia uh hi.

Hih ki kap na pan in khang no kum 14 a pha pan khat a thau tawh palik te in na man pah uh in a mah pen hih mi te a that na lak ah ki hel khat hi ding hi ci in um mawh uh a hih man in a mat uh ahihi.

Hih patauh pian na mun ah palik te in mun la in kem bit khin ta vai siang sak ta a hih man in lau na ding om nawn lo hi ci in Thai wankyi Srettha Thavisin in pu lak khia hi.

Hih ki kap na pan in Kawlgam mi numei kum 31 a pha khat zong kap kha in zato pan in si hiau mawk hi. Tua lo Sente ( Chinese ) khat zong na ki hel sawn sawn a hih man in Thai wangyi pa in Sen te tung ah thum na zong nei in misi te tawh ki sai in han ah a bei teng kumpi in si ding uh ci uh hi. A liam a bai te zatui man ding a ki bawl na ding teng zong kumpi in sik ding cih beh lai hi.