Israel kumpi pa in Hamas te donkyi tawh kap gawp na hang in Palestine tawh gal ki do na ding tang ko khia
9 September 2023
Zan ni Nipini a ki pan in Israel te in Gaza a om Hamas galkido ding a ut mahmah te hang in Palestine te tawh ki do ding in tayawan ( legal) tak in gen khia ta mawk uh hi.
Hasmas te lam pan in zan hal Sanini in gin neih loh pi in dongyi 100 val ding bang tawh khut ngek ngek in Israel te galkap 44 leh leh mipi 600 bang si pah uh in a liam a baai 1500 bang om ci in gen khia uh hi. Hih bang thu piang te pen a bei sa 1973 nung siah a ding in mi tam a sih penpen hun leh kum khat zong hi ci in Israel lam pen gen khia uh hi.
A si te lak pan in gamdang mi zong pawl khat ki hel ding in ki lam en hi. Gaza ah a hih leh mi 303 si in 2000 bang a liam a baai om ci in thu nei te in gen khiatna nei uh hi. Israel galkap te in Hamas galkido a ut mahmah te 400 bang sian suah uh in honpi mang khat mah na man uh hi.
A lang leh a lang a gam vua om ciat ki mat sak uh aa gal an tah in ki nei tuak uh ci hi. Tua a mat te uh lak pan in a kum tawm a kum tam khen lo in a gam mi hih na tung tawn in ki mat sak teh uh hi.
Israel leh Palestine te ki do na pan mi 1100 bang si khin ta ci in a lang leh a lang thu nei te in gen khia uh hi.
American te in hih buai na vai ah 100 ah 100 Israel te lam ah ma ka pang ding uh hi ci in gen khia uh hi.
