India Manipur state Imphal khuapi ah lungphona nasia tak ki nei a hih man in curfew om in phone internet line te ki khak
Zan ni a de 28 September 2023 ni in India Manipur state Imphal leh mun pawl khat ah nitak kua mah vak khiat theih lo nading in kumpi thu nei lam pan tangko khia uh hi. Tua pen bang tan ding ki gen thei nai lo ci hi.
Tutung buai na a hih leh sang nau pang 2 ki thah na tawh ki sai in lungphona nasia tak ki nei in sang nau pang hon khat zong a liam a bai om ci hi.
Zan hal Wednesday ni in lungpho sang naupang 80 val bang liam gawp uh aa, tulaitak kumpi thunei party zumpi nih zong datsi tawh ki bawl thawl bom te tawh ki deng in ki hal gawp ci hi.
Kumpi thu nei te in phone internet line te a khak zawh uh ni 5 pha khin ta ci hi. Hih buaina tawh ki sai in a bei sa May 3 ni a ki pan tuni ciang misi 180 bang om khin in inn leh lo nusia galtai mimal 50,000 bang om khin ta ci hi.