Israel - Hamas News Update October 25,2023 Wednesday *****************************

Israel - Hamas News Update 

October 25,2023 Wednesday 

*****************************

- Tuma nai 24 sungin Israel in Gaza bomb akhiat zomlai na hangin mihing 704 val si beh leuleu. 

- Hamas te in amimat te a manlang in a khahkhiat meng nading Israel khuapi Tel Aviv khuapi ah lungphona kinei. 

- Qatar Foreign Minister in a kiman mite hong khahkhiat lai nadigin kamkupna ka nei ding ding uh ci. A beisa a mi 4 akhah khiatte zong Qatar ii palai sepna hang tawh Hamas ten hong khah khiat ahihi. 

- US Muslim groupte in banghangin Biden in ceasefire ding support lo hiam ci in mawhsak uh. 

- UN Security council ah gam 90 te in Middle East buaina tawh kisai in ceasefire a om theihna dingin nasia tak in hunsawt pi sung debate bawl uh. 

- Tua debate na sungah Lebanon in ko bel a 1960 kum akipan a thuak tawn tung ka hi zaw uh a, hih buaina sungah ka kihel nuam kei uh ci in Lebanons ambassador Hadi Hachem in gen. 

- Hih debate sungah US in Iran in hih buaina ah ko kakikhel peuh mah kei uh a cih pen a zuapi hi ci in nial a, hih buaina hong pianna bulpi pen Iran hang hi ci in nasia takin mawh paih. 

- Israel in Hamas te suk maimang ngiat dingin kiciam pha a, ceasfire ding ka nial uh hi ci. 

- UN General secretary in Antonio in The grievances of the Palestinian people cannot justify the horrific attacks by Hamas. Those horrendous attacks cannot justify the collective punishment of the Palestinian people ci in twitter tung lai at. 

- A cihna nopna in Palestinian mite dahna kahna pen Hamas te ii a lauhuai gamtatna tawh tehtheih hilo hi ci in indirect in Israel mawh sak ahih manin Israel in UN General secretary pa zong a dinmun pan khawl hun ta ci in dawng kik. 

- Israel in meeting kah dingin UN ii sapna nial. 

- Canada in Hamas te in ceasefire cih khawng zahtak se kei un teh ci. Turkish Foreign Minister in bel Leitung makai ten galvai a ven theihna dingin sep ding kisam ta hi ci. 

- Pope Francis in a kiman te kikhahkhia henla, Gaza sungah humanitarian huhna kilut sak hen ci in hanthawn. 

- Pentagon press secretary Brig. Gen. Pat Ryder in bel galvai ah kigin kholhna a kinei hi ci in gen a, US FIGHTER SQUADRON ahi F-16 fighter jets te Middel East ah US in a puak pen tungta. 

-Iraq leh Syria a om US military base a kikapna hangin US galkap nih liam a, October ni 7 ni a kipan 13 vei Iraq leh Syria a om US military base kikap khin ci.  

- UNRWA in Tuesday ni in, Gaza ah fuel (petrol) kisapna hangin Hospital te ki run theinawnlo ahih manin amanlang in Gaza sungah Fuel lutsak ding tangko khia uh a, fuel a om nawn kei leh Gaza kuamah Wednesday ni akipan nasep kisem theinawn lo ding ci in gen. 

- Israel in UN te kiang Gaza a ding fuel (petrol - sathau) kisam nasak uh leh Hamas te kiang ngen un, Hamas te in litres 500,000 (110,000 gallon) ding bang khol phitphet uh hi. Tua lakpan tawm bek ngahkha sam ding hi uh teh ci in Israel galkap ten gen.

- Palestinian health minister in hospital ah bang mah kisem thei nawnlo ding ahih manin hospital sunga om cina a liam mi 7,000 te a sawtlo in si thei ding uh hi ci in gen. 

- Hezbollah makai pa Palestinian group Hamas makai te leh Islamic Jihad makai te tawh ki mu. 

- Israel finance minister in gal adingin Shekels 1 billion koih khia a, ni khat in ($246 million) bei dan ding in tuat. 

- West bank lam a om Palestinian te kiangah Gaza te adingin lungphona na neih lai ding vua leh no zong a gah at ding hi uh teh ci in Israel in gen. 

- Egypt, philiphine, France leh US cihte ah lungphona mi a tulsawm a sim in nasia sem sem. 

- Gaza pan Israel rocket a ki lawtkhiatna mun teng Israel in bomb khiat deuh ding in target pi in nei. 

VOA - Ngeisok Media