Democracy Pai zia tawh akikipsak masa pen Zogam Dialkhai
Zogam Zomi Dialkhai pen Democracy pai zia tawh akikipsak masa pen Zomite Dialkhai (flag) hi aa, Democracy a deih Zomi mipi te in a zahtak ding leh akep bit ding ahihi. Zogam Zomi Dialkhai pen Zomi Khawmpi Kuala Lumpur Malaysia 2019 (Zomi International Conference Kuala Lumpur 2019 ZICKL2019)- Zomi Kipawlna lian khempeuh leh Mipil misiam pawl khat Meeting kisam a akibawl hi in, apai manlo pawl khat om in ahi zongin Zomi Kipawlna lianpi te 100 lak ah 95 kihelin Meeting kah in amau THU KIMNA tawh Zogam Zomi Dialkhai (flag) kikipsak hi.
Thu kimna cih kammal pen Thupi mahmah aa Kipawlna leh Mimal in Thukimna alak khit teh suaikai (signature) na ahih zawh teh azahtak ding ahihi. Thu Kimna a zahtak kei a zuih kei leh adiak in Democracy Gamte ah Thukimna palsat ci-in Thukhen zum ah Thu kibawl thei hi. 1969 Kum in UN in Vienna khuapi ah Thukimna tawh kisai Meeting lianpi khat na nei aa "Vienna Convention on the Law of Treaties" ci in min na vawh hi, Thukimna khat suai kaihna khat akibawl ciang in Thu Kimna bawlna ah akihel kipawlna leh mimal peuh mah in Thu Kimna abawl khit ciang in zuihloh pha mawh (obligation) ahihi na na gen uh hi, tua bek thamlo in Tazahuan (တရားဝင် - legally binding) hita hi ci uh hi.
Tua ahih man in Democracy pai zia tawh kituak adiak in "Parliament Democracy" pai zia tawh akituak tangmi makai te THU KIMNA tawh akikipsak Zogam Zomi Dialkhai (flag) pen Democracy a deih Zomi mipiten azat ding leh azahtak ding ahihi. Democracy a deihlo te bek in lang pang ding uh hi.
Zomi International Conference Kuala Lumpur 2019 aa , adiak in Zomi Kipawlna min tawh Meeting kah teng leh Zomi mipil Mi siam akihelte min pawl khat hih anuai ah ki en thei hi. Lungdam
