Kawlpi ah Damiah ten Pastor khat that
==============================
Kalaymyo, Chutungpin veng, taungphila mual geia Inn khatah damiah lutin Inn nei Pastor pa in anuntakna tan lawh hi. Atapa zong liam hi cih a naihuai ten gen uh hi.
Pastor pa ahih leh Kum 50 gual hi-in, Pasian nasem khat zong ahi hi. Pastor Pau Khan Dal ahih leh LST sang akah kawmin, Tedim myone, LoFei khua Tuiphum pawlpi ah Pastor sem kawm hi.
Damiah te ahih leh huang umna kantan in ong lut uh in, Thau tuh tawin sum ong ngen hi,Damiah te ahih leh mi3 pha uh in, kuapawl te na hi uhiam cih adot leh ko kuama bawl hilo Damiah taih limlim hi-ungh, na inn ah sum teng 500 om cih za ungh malang in ong pia-in ci_in ngen uh hi. Damiah ten inn tekpa Tem tawh dot gawp uh hi. Inn tekpa zong amah leh amah kidalin athuk kik leh damiah te tai-in, thau tuh khat leh phone khat nusia uh in,inn tek Pastor pa pen a inn ah si hi ci-in atanau te un gen hi.
Pastor Pau Khan Dal pen alu temtawh dawtuh ahihmanin an inn ah sipah in, atapa zong anunglam liam in tulaitak zato ah kikem hi.
Pastor Pau Khan Dal ahih leh apianna Tedim gamhuam THUKLAI khuaah kipua dinga Nov 8,2023 ni-in kivui ding hi.
Zalen pan akila sawn hi.
Credit : Zalen
Zomi Hornbill Media 6.11.2023 pan in ki let khia sa ki la sawn leuleu hi