Israel - Hamas News Update
October 22,2023 Sunday
****************************
- Israel in Gaza a do pen hunbei sa sangin nasia tak in khan ding ci in Israel’s military spokesman in gen a, lei lampan in a do dingin a galkapte zong ready bek thamlo in, Saturday ni in Gaza sung do dan ding zia zong kisin ngiat khin uh ci.
- West bank lamah Israel force in Palestinian mi 727 bang man khin ci in Israel galkap ten gen a, mi 480 te pen Hamas te tawh kizom uh ci.
- Israel galkap spokesperson Daniel Hagari in Gaza a Hamas te mat mihing 212 pha ci in gen.
- India in India airforce Boeing C-17 vanleng tawh 38.5 tonnes agik humanitarian huhna Egypt’s El Arish lam tawn in Gaza ah puak ci in India foreign ministry spokesman Arindam Bagchi in gen
- Saturday ni in Gaza sung a lut humanitarian huhna truck 20 te puak teng pen mihing 22,000 te adingin ni khat ai bek khom uh ci.
- Israel in vanlam pan bomb a khiat zomlai na hangin Gaza Khan Younis akcihna munah mi 11 si hi ci in Wafa news agency in gen a, West bank lam ah Israel force in Palestinian mi 5 kaplum uh a, mi 42 te mat beh uh. Tuzan bek bek in Israel bomb khiat na hangin mi 55 si beh hi ci in Hamas group te in gen.
- Israel in Gaza leh West bank a kapkikna hangin leitung munkhempeuh ah lungphona kinei in a diak diak in a nuai a gamte ah lungphona mi tultampi in nasia takin nei.
Sarajevo – Bosnia and Herzegovina
Karachi – Pakistan
Kuala Lumpur – Malaysia
Podgorica – Montenegro
Brussels – Belgium
Berlin – Germany
London and Manchester – UK
Rotterdam – Netherlands
Belgrade – Serbia
Paris – France
Mexico City – Mexico
Milwaukee, Memphis, Boston, Minneapolis, Omaha, New Haven, Dallas, Las Vegas – US
Halifax, Saint John, London, Montreal, Ottawa, Victoria – Canada
- Israel Ministry of Health in Hamas te hong kapna hangin mi 299 te zatopi ah lum a, 49 te gim mahmah uh hi ci. October ni 7 ni a kipan Israel lam pan mi 5,132 liam a, mi 1400 si hi ci in gen.
- Hamas te in mi nih kong khah lai ding uh ci in gen a, Ahih hangin Israel Prime Minister Benjamin Netanyahu in ko a vekpi a nong khah khiat ding a deih hi ung na zuau pi, na ngian uh hi ci in, hih ding sep dinga kigeel sa om bangin next phase ah kikal suan to ding hi ci in gen. A beisa a minih a khah zong pen Qatar te ii palai sepna tawh Hamas te khah khiat ahi hi.
- Israel in Jordan leh Egypt ah zinloh ding leh aman langin Hamas-Israel buaina hangin tua gam pan pai khiat ding tangko leu leu
- US Secretary of Defense Lloyd Austin in Middle East buaina hangin Iran gal gin kholhna in Israel ah Terminal High Altitude Area Defense (THAAD) battery ka thuah ding uh hi ci in gen. Hih THAAD pen mundang pan rocket thaupi hong lengte automatic a kapkhia thei ziau anti-ballistic missile defense system a hi hi.
- Israel in ground invasion (leilampan) nasia takin a do leh Israel - Hamas gal buaina sungah ka lut ding uh a, Israel in a thaman nak san mah mah ding uh hi ci in Hezbollah top official in kamciam pia.
- Saturday ni in Egypt Cairo ah gam 12 val in peace submitna nei uh in amanlang in ceasefire lak ding gen uh hi. Gaza mipi te ading in huhna kisam mahmah ahih na thu gen bek tham lo in Israel in mipi naupang a suk khakpen mawh sak mah mah uh.
- Israel in koi dan in do ding
Israel galkap te leh Hamas galkap te bel a beisa a kikap na te tung tawn in a nih tuak un sun khuavaka kikap tuak ding hi le uh combat lamah siam tuak mahmah ki fit tuak mahmah uh ci.
- A hih hangin Hamas te mun ahih manin mun leh mual siamzaw bek thamlo in Hamas te in lei kawhawm tampi to uh in tua sungah kibusa uh ci.
- Israel in leilam pan a do ding uh hi leh zan in do ding uh ci. Bang hang hiam cih leh Israel galkap te in night vision nei kim uh a, Hamas te in nei kim lo ci.
- Tua banah Israel in leilam tawh a do kawm in vanlam tawh kopin night vision om drone leh mihing a tuang leh mihing a tuanglo vanleng te zang kop ding uh ahih manin Hamas te sangin hi cih et pakin thahat zaw uh hi ci.
BBC- Ngeisok Media