Zogam ah zatui zang a tam man in guta tam
Ih thulu tawh ki zui in ki kup khop ding thu khat hong om hi.
Zatui pen a zang te mawh zaw ai hia? a zuak te mawh zaw? cih ki kum suk dih ni ee...
Pawl khat in a zuak te bek bek ki mawh sak in tua a zuak te kan khiat ding aa thu bawl ding hi a ci ki tam sim sim hi, ih page comments te tung tawn pan in.
Tua a hih leh a zuak te mawh na bek a hih leh a zuak te in bang zah ta in a zuak uh hang a lei ding a zang ding om kei peuh leh koi lai ah va zuak thei ding hiam? cih khat pen ngaih sutna hong om hi. A lei te in na lei kei ziau leh zuak thei tuan lo ding uh a hih man in a zuak te bek zong mawh khin ding in ka ngaih sun kei hi.
A hang in a mau sum bawl na a hih man in khawng kei le uh a dang a sep ding uh kul lel ding hi. A lei te in tua a lei na te kiang ah lei kei leh zong a ngah theih theih na ding lam pi zong veve ding a hih man in a zuak te bek ka khail sak kei hi a lei a zang te ka mawh sak nuam ma sa pen hi.
Tua a hih leh a zuak te mawhna om kilkel lo maw leh? cih ngaih sutna khat
 |
| google photo |
hong om leuleu hi. A zuak te mawh na hi gai lo hi. A hi zong in a zuak te in a mau sum zon na hi ta a hih man in a khot theih theih na ding uh lam pi hong zong leuleu in mi lung sim a la thei thei ding in a mawk na khawng tawh sum nei ding a up mawh te uh zol in sin sak sak in tua pan in a zat khit ciang a suai khit teh a sum neih teng ban hup sak leuleu tua dan lam pi zong om thei hi.
A mawh ta tak bel a zang te a hihi. Bang zah tak in hong ki zol in hong ki piak hang Laisiangtho sung ah Daniel te bang in Pasian zahtak in ih lungsim khen sat in Pasian deih loh na te zang lo ding, sin zong sin lo ding cih khen tat na nei thei le hang tua pen kua mah in hong khem zo lo ding a zatui zang zong ki om lo ding hi. Tua hi leh guta zong hong om lo pah ding hi.
Tu a, a suai sa (addicted ) te a ding in a hih leh a tung a ih at te pawl pen a ze kai ta suak hi, a si a sa un deih khin tua lo tawh om zo nawn lo uh a hih man in ih lung nuam het lo hi, ih cih na ding zong thei tuan kei hang. A hi zong in a khel thei khat om veve hi tua in ih biak Pasian, Zeisu, Khasiangtho in sem thei lua mahmah hi, khel theih loh khel zawh loh nei lo tua Pasian ih neih khak man in ham pha hi hang.
Ih U ih nau ih sang gam ih mi pih te tua bang sung ah a ki diah kha te, kham theih guih theih pan a pusuak zo nawn lo, a ki dek zo nawn lo te a ding thu nget sak ding hang aa. ma pang khawm ding hi hang. Topa in Zogam leh Zomi te hong kem bit ta hen!!! Lungdam
Lat at: Tedim Times Editor
Pu LT Tha Cin
Ih website zong ki follow thei a hi maw lai tampipi sim na ding lem mahmah hi lung dam Tedim Times tha hong pia mimal kim tung ah