DAHPIHNA PULAKNA
Min: Dal Za Muang
Khua: Pyidawtha
Beh: Gualnam beh
Pa Pau Khan Kap leh Nu Ciang Za Don te tapa Dal Za Muang pen lam et het loh pi in 12 July 2023 ni-in Pandan Indah paakhuan sung ah amah leh amah ki guiawk in a nuntakna hong bei san hi. ZAM/ZSM pan in zum vai teng a kivan laitak ahi hi.
 |
| A ki gui awk na mun hih inn sung ah dial sau khat tawh ki khai a man leh video lak ding palik te in phal lo ci in hih ciang a ki mu thei hi |
Bang hang a ki guiawk cih lian ki thei nai lo in lung kham na khat lung kiat mahmah na khat nei hi ngel ding hi. Lawm ki ngaih vai maw inn kuan sung buai na hang maw, nasep neih loh man in lung kham lua maw cih te zong hi thei kha ding a hih man in khat leh khat lung kham na te ki puak pih diam diam theih ding nak pi tak in thu pi ding hi nasep nei te in nasep nei lo te pan pih a huh ding thupi mahmah ding hi ci in ZAM presiden pu Kap Khup in ZAM page tung pan in live in gen na nei hi.
Na lung a kham luat ciang in a masa pen in Topa tung ah ap in la tua khit ciang in na lawm te khat leh nih tung ah zong na haksatna na lung kham na te gen in sung khia in nang kia in pua keei kaai kei in la hong it hong deih sak na lawm na gual na u na nau na sia te khat peuh peuh tung ah na hak sat na te gen ham tang in. Nang a ding vai lian pi khat a hih hang khat a ding in na baih lua mahmah thei hi. Mihing te sep theih loh te zong Pasian a ding in a piang thei lo na khat beek om lo hi cih phawk tawn tung ding in ki beh lap sawn nuam lai hang.
Topa'n a dah akap khempeuh a lamdangin hong hehnem tahen.