Odisha ah meileng tuah siat na vai Tedim Times comment te tung tawn pan muhna thak khat
 |
| photo credit: India Today |
Tutung India te meileng tuah siat pen India gambup ih dahna tuak ni khat in ki ciam teh in zan ni 03 June 2023 ni India Gambup Dah leh Kah thuak ni in taangko khia uh hi.
Narendra Modi tulai tak India thu nei penpen pa in zong zan ni in a mun mahmah ah vapai in cina te om na cih te ah va pai thei hi, a mah in a gen na ah tu a bang in gam sung ah mi hizah sih theih na ding in ah meileng lam vai sai te nasia tak in mawh puak na ki nei sak ding hi thu ki khen in thu ki bawl ding hi ci in gen beh lai hi.
Tedim Times comment te pawl khat ih et ciang in a thuak ding mah uh hi tapidaw te bawl sia te uh hi cih te leh Odisha ih nungthu tawm ih et ciang in ah hih Odisha state pen a bei sa hun pawl khat lai in Pasian nasem te a bawlsia a hal giap giap gam te uh hi, inn kuan kuan khawng in a ki langh tang in a that giap giap ngam te uh na hi mawk hi ( https://en.wikipedia.org/wiki/Religious_violence_in_Odisha ) 2008 ciang ciang bang sual mahmah Hindu biakna a nasia mahmah mun khat zong a hihi. Hih thu teng hang a hi kha tam cih pen mihing ngaih sut na pan up mawh huai leh mawh sak huai leh awi huai phial khat ahihi.
Tua ban ah tulai tak bang India kumpi thu nei te leh Kawlgam kumpi thu nei te ki nak uitui lua mahmah uh a hih man in India gam a om gambeel te bang Gamthumna lam en teu tau a kum 10 val bang a ngak khin te UNHCR pan in pai theih na ding lampi om mah leh India kumpi thunei te lam pan in Exit permit pia lo a hih man in tua pen a leng ding lian a, an ki nek pih khin, van leng ticket lei khin, um leh bel bang kuang leh keu bang a zuak khin te in pen na sa lua mahmah uh a hih man in tua gau zong khat ai tam cih ngaih sut na khat ah hong suak hi. Hih ngaih sut nate pen hi lian cih hi lo hi, a hi kha tam cih hi in nang ngaih sut na ah ee bang ci na sa ah comment ah ki mu kik ni ee maw.
Hih bang teng ih gen ciang in ah a tuah siat uh pen a lung dam pih leh a awi ih hi kei zaw hi, a hang in ni khat thu a mihing 300 kiim si cih mawk pen a inn kuan pih te a ding in bang zah tak in na ding puak hak ding cih pen a mau mun ah ki koih le hang ngaih sut hak mahmah hi.
Tu lai tak thunei teng hong laih sak na ding zong thu nget na ah phawk ni Milim bia makai party te in gual a zawh mahmah lai tak hi in Lamka vai bang Tapidaw te hong nop neh na khat uh zong ki ci thei phial hi, tua hi in Pasian in a hun a tun ciang in a laih khiat mang na ding thu nget na ah phwk ni, India a om gambel te a ding zong tampi hong hoih tuam ding lam en hi hang. Lungdam gen khialh a om leh ngiah dam bawm ah na koih sak un maw.
Lai at: Tedim Times Editor