Lungphona ki nei ding June 20, 2023
Leitungbup Gambeel te ni ( World Refugee Day ) tuni in India gam a om Kawlgam mi te in Myanmar Refugee Demand te makaihna tawh UNHCR zum pi mai ah lung phona na sia tak nei ding uh cih thu ki za hi.
Hih thu tawh ki sai in Kawlgammi te vai ki sot toto in ma ki nawt thei peuh mah lo in lung kia tha nem in ki om hi, sum leh paai a nei te leh Kawlgam nuam a sa le Kawlgam ah om leh a lau huai lo teng Kawlgam ciah kik in Kawlgam ah a lem zawh ngap lo teng Malaysia, Thailand leh mun dang tuam tuam ah ki tai khia hi.
Tua hi in Kawlgam ciah kik ding a lem thei lo teng leh Gamdang tuam tuam pai ding a lem lo teng India ah gambeel a om teng in tuni in lungphona nasia tak neih sawm uh hi, lung kim loh na nam 10 sik san in lung phona nei ding uh hi. A diak in UN card piak loh vai Kawlgam mi te lim lim RSD interview a sap theih lohna uh leh exit permit a ki ngah theih loh na hang in UNHCR zum pi ah zong lai ki cian tak in ki khak hi. UNHCR zumpi pan in lung phona hong nei kei un India lungphona ki neih theih na mun dang te ah nei zaw un UNHCR zum mai ah hong nei kei un a hang in veng kiim veng paam in nawng kai hong sa ding hi ci in lai thuk kik uh hi. A hi zong in a mau thu ki mang lo zaw in lungphona ki veve ding in bus 7 tawh ki pai veve cih thu ki za hi.
Ngat tak leh khauh tak in UNHCR zumpi lai ki khak hi, gambeel mi te bitna ding pan san in nasem na hih na uh hong ki phawk kik un la no ih nuntakzia nopna ding ( lifestyile ) a thupi in inn hoih lo hoih mawtaw hoih cih te tawh lung kim in nuam a sa ding bek hi lo hi uh teh gambeel mite hehpih a kem a khual a, a vaan ding hi uh teh cih dan phial in lai a ki khak a hihi.
