Kawlgam mi sumbawl te van US$ 10 million man ding Sen te in siah ki pia lo ci in matsak in a leinuam te ki dem sak in leisak ding sawm uh
Sen gamgi sung a om Wantein ah om godawng van khol na ah van ki koih Kawlgam mi sumbawl te neih sa a hi be cih khawng a nam tuam tuam Kawlgam sum in Kyats 30 Billion US$ million 10 bang a man ding van te Sengam thu nei te in siah pia lo pi in hong lut sak cih na tawh a vek pi in lak sak in a lei nuam a om leh ci in a lei nuam te ki dem sak uh cih thu ki za hi.
A beisa May 31 ni inkumpi thu nei te tawh ki kum in thum na ki nei hi, thu nei te in zong hong ngaih sut sak ding hi ung a hoih thei penpen ding in hong gel sak ding hi ung ci hi mah ta leh tu in a deih te kiang ah a lei nuam te a tam man ki dem sak na zah dong om a hih man in Sumbawl te in na sa mahmah leh a mau sup zia ding gen uh hi.
Hih bang in ah na a sep zawh uh pen kum nga bang sawt khin hi ci in sum bawl te in gen uh hi. Hih thu tawh ki sai in siah piak loh na vai in a ki sai a ki paikan kha a sen te ngiat mi 60 bang ki man hih tuak hi. A bei sa hun khat lai in zong sum siang sum nin vai tawh Sengam a om Kawlgam mi sum bawl te sum neih sa hon khat a bank acc uh khak sak ziau hih tuak lai hi.
Hih bang thu teng hang in Kawlgam sum bawl ki pawl na lam te in tulai tak vaisai galkap ukna sung ah sumbawl na van zuak van lei na tawh ki sai Kawlgam kumpi vaisai te in vai hong hawm sa na ding uh thum na leh nget na nei uh cih thu ki za hi.
Source: VOA Burmese